熱血一流 (已結業)

旺角行下街见到有间打边炉嘅地铺，见到价钱都几合理，一于试吓。里面其实有好多款式唔同嘅火锅任食，价钱有平有贵，时间有长有短任君选择，可以按返自己进食速度同埋想食边类型嘅食品去选择套餐。因为我哋嚟到主要系想食下牛，所以拣咗个高级牛嘅牛小排套餐， ＄268食100分钟。如果再贵啲嘅话仲有海鲜任食～呢间餐厅好似食旋转寿司咁，唔需要点样落单或者写落单纸，用平板电脑就可以落单，前面有一条轨道会自动送上食物系你面前。麻辣汤底香味十足，食呢个汤底基本上连豉油都唔使点，已经好滋味。我哋主力挑战牛小排，牛肉嘅纹理分布均匀，口感一流。如果钟意食肉，一般嘅雪花肥牛、豚肉、鸡肉都系食的。本身冇特别留意，而家用PS4游戏做主题，为我们送上北斗残悔丸、北斗百裂菇、岩山两斩鱼滑三款特色打边炉食物。每人一份，残悔丸弹牙有香口；鱼滑口感有弹性咸香十足。想健康啲嘅我哋就叫多啲金菇同埋粟米等等嘅素菜配料，吸收晒汤底嘅香味个口味立即变得丰富。其实仲有啲炸鱼皮等等嘅小食，及各式各样不同的丸，好有中国色彩，一路吹水一路食就最啱。点单之后啲嘢食都好快送上，最后食到咁上下就可以食埋个雪糕Movenpick。