Cow Bean (荃灣廣場) (已結業)

放完假之后返工，总系无乜心情做野，所以今日决定早D收工，去荃湾广场 Cow Bean 食个早饭，因为呢度系繁忙时间，一定大排长龙，所以五点几去帮衬，就最好啦，一入去拣左个窗口位坐，虽然出面无靓景，但系有D天然光照下都好吖，加上呢度装修走清新自然风，感觉都好舒服。望完餐牌叫左个铁板三文鱼炒饭，加杯朝日啤酒。好快冰冻啤酒就送到，Happy Hour 即刻开始，饮左一大啖，实在透心凉。跟住铁板三文鱼炒饭又到啦，热辣辣，卖相好吸引颜色好靓，好多三文鱼仲好有光泽，蔬菜都好多，分别有椰菜、豆角、洋葱、粟米，面头仲有一大堆甜蛋丝，首先将D葱花放晒上去，加埋只温泉蛋，再淋上烧肉汁，铁板唧唧响既时候，已经闻倒香啧啧，即刻轻轻捞匀，热辣辣食入口，好好味，软嫩既三文鱼好有鲜味，D蔬菜好新鲜，而D饭亦软韧适中，加埋温泉蛋令整体口感滑溜溜，烧汁亦吾会太咸，调味啱啱好，差吾多食晒，D饭依然热辣辣够晒热度，食到个胃暖笠笠，跟住饮番啖冰凉啤酒降下温，真系又爽又满足。食到饱饱，餐厅又出现人龙，无办法啦，要食好野，花多少少时间都系值得既。