影片
更多
2018-06-12
2479 浏览
呢排热辣辣，无咩胃口，想食啲清清地的𩠌菜，就谂起佢了～未转做素食分子前已经成日帮衬架啦，到转左手后就好耐无黎过啦，当然要支持下啦。午市自助餐$78一位，估唔到会咁爆满，我地一行3人被安排坐左在最里面的位置。虽然离自助餐桌有点远，不过静静地，无咩其他人骚扰，唔错！第一次黎新店，梗系样样都要试下啦，粟米好清甜，茄子入味得黎仲保持到口感，唔会烂蓉蓉，仲个凉食豆腐，夏天食清清凉凉真系好清新。食材虽然简单，但整得好食唔易，睇得出师父真系有返啲料！除左凉食，都有唔少其他的款式选择，有齐中西日式食物，冷面点心沙律寿司，真系估你唔到仲有泰式串烧，包罗万有。每次行出去拎食物，都好似会发现到新菜式。虽然话系全素，唔怕食到肉。不过唔知系咪菜式太多，有时真系唔知自己食紧啲咩。呢个望落似腐皮卷，但又尝唔出入面系咩，我觉得如果餐厅可以在每碟𩠌挂个牌仔话比人知呢碟系咩𠮶碟系咩，会更加好，至少唔会走𠮶刻都唔知自己究竟食左啲咩。除左前菜，主食，任饮豆浆，原来仲有汤水同糖水架，呢锅系霸王花金笋靓汤。我就试左雪耳海底椰糖水。雪耳十分足料，但略嫌有点过甜。临走之前，又比我再发现有新菜式本身以为普通炸薯波，点知内藏惊喜。一咬开
第一次黎新店，梗系样样都要试下啦，粟米好清甜，茄子入味得黎仲保持到口感，唔会烂蓉蓉，仲个凉食豆腐，夏天食清清凉凉真系好清新。食材虽然简单，但整得好食唔易，睇得出师父真系有返啲料！
除左凉食，都有唔少其他的款式选择，有齐中西日式食物，冷面点心沙律寿司，真系估你唔到仲有泰式串烧，包罗万有。
每次行出去拎食物，都好似会发现到新菜式。虽然话系全素，唔怕食到肉。不过唔知系咪菜式太多，有时真系唔知自己食紧啲咩。呢个望落似腐皮卷，但又尝唔出入面系咩，我觉得如果餐厅可以在每碟𩠌挂个牌仔话比人知呢碟系咩𠮶碟系咩，会更加好，至少唔会走𠮶刻都唔知自己究竟食左啲咩。
除左前菜，主食，任饮豆浆，原来仲有汤水同糖水架，呢锅系霸王花金笋靓汤。
我就试左雪耳海底椰糖水。雪耳十分足料，但略嫌有点过甜。
临走之前，又比我再发现有新菜式本身以为普通炸薯波，点知内藏惊喜。一咬开，黑松露的香气扑鼻而上。
最后，呢间餐厅真系每行一步都有新发现。卖左单又比我发现，餐厅原来在父亲节当天有个晚会，仲比佢请到我爸年代的歌星来助庆，即系个天都叫我父亲节带阿爸黎食饭啦？
张贴
