喀什米爾咖哩屋

营业中

休息中

今日口痕想食烤饼，就揾下附近有冇卖烤饼既餐厅。一揾之下，就发现到呢间印度餐厅，由印度人主理，主打咖喱，炒饭同烤饼🙌🏻-店员识听识讲广东话，完全唔需要担心沟通问题。当时都几多人排队嗌外卖，我排队排左5分钟左右。我嗌左薯仔咖喱🍛配普通烤饼。咖哩汁份量慷慨，质地较稀身，味道香浓，但又唔会太辣，可以接受。个人觉得味道普通，食落有啲油腻，唔太啱我口味🙅🏻‍♀️薯仔几入味，唔会太硬，可以接受！比起咖哩，个人更钟情于烤饼，热辣辣几好食。原来呢间餐厅有各式各样嘅烤饼，我决定下次要试埋香蕉烤饼，仲有炒饭都应该相当唔错！