維港冰室

营业中

休息中

铜锣湾茶餐厅一街都系，但我始终都系最中意食维港冰室，平时返工经过，早餐都会买个面包，大大件！熟食又热辣辣🙂🤤而且餐厅仲好多卡位🥰今晚又同个frd过嚟食晚饭加吹水，坐咗三个钟☺️今晚叫咗晚餐set海南鸡饭 肉质鲜嫩，仲走埋骨，啖啖肉！我呢啲懒人，真心中意！鲜鱼汤野菌浸什菜汤中有好多种菜，补充水分，清清地，好味又健康！咖哩香煎猪扒微辣，啱晒我唔系好食得辣嘅人！猪扒煎得刚刚好，又柔软。配埋薯仔，洋葱，红椒，可以送多一碗饭😜中汤老黄瓜猪骨汤侍应都好细心会问你想要有渣定净水？我话两样都想要，佢就俾咗两碗我🤣汤隔哂油，冇味精。少盐。比较健康！