風雲丸 (已結業)

今日又去湾仔上堂，上完堂经过w square见到呢间风云丸， 已经晚上九点几，都仲好满座。于是我又入去食埋一份。由于太肚饿，叫咗一个小食同一个沾面。 小食系沙拉唐扬炸鸡。 热辣辣新鲜炸出嚟，鸡肉都算 juicy，好食。主菜系石锅肉盛豚骨鱼介沾面。 由于我钟意食热嘢就叫咗温面，冇叫冷面。石锅端上嚟嘅汤热辣辣，滚咗都超过一分钟。 将温面再浸入热腾腾的汤里面，食落口滋味无穷。 由于系肉盛，有成四块肉，肉嘅肥瘦分明，可以唔食肥，食落仲甜甜地。叫埋杯啤酒，咁就完美的一餐。另外，呢度嘅服务态度非常好，超赞。