更多
2019-09-21
49 浏览
呢间系食潮州嘢嘅,最出名应该系佢个自己拣料嘅潮州粥,我之前都嚟过食过几次,所以唔叫粥啦,一于叫下啲小炒嚟试吓。呢个炒秋葵超高质,佢送到黎嘅时候仲系啱啱整好吱吱声。秋葵嘅份量有超多,炒得好香,味道都啱啱好,唔会太咸。至于呢个小炒王,佢除咗有啲虾喺度之外,仲有啲炸白饭鱼、炸芋头丝、八爪鱼、腰果等等。一啖食落去有几种口感,韭菜好爽口,以炸鱼白饭鱼同埋芋头丝又硬硬地脆脆地咁,食落口感好丰富。我哋又叫咗另外一道菜,呢个系豆角茄子炒猪颈肉。啲猪颈肉一啲都唔un,加埋茄子同豆角一齐炒好夹。
张贴