利寶閣 (已結業)

今日同屋企人去利宝阁食晚餐放题，隔咗几个月但都同样高质而坐得舒服! 入到去其实人唔多，冇咁嘈而侍应服务都好好。我地一去到见到切紧烤鸭，就即时攞咗少少先。烤鸭因为新鲜即攞既关系够哂热，而且啖啖肉，就咁食都好正! 另外仲有煎牛仔柳，好香牛味同埋食落好淋口感真系一流!每人仲送一盅佛跳墙同大虾天使面~正呀!到咗小菜方面其实好多都出色，唔似系放题食到既野，因为炒得好食而份量亦唔少。特别系咕噜肉、西芹炒虾仁、烧乳鸰都好好食，我地都嗌咗几次而每次都系新鲜整起热辣辣既!另外云吞面都好好食，面身煮得好弹牙又冇咩碱水味，云吞亦都好重虾味! 如果钟意食中菜又怕嘈真系可以一试利宝阁既晚餐放题!