時新漢堡飽 (已結業)

六点几去黄埔接个姊妹收工，行过见到，新店未食过就食下，新餐厅装修到美国风格，而座位环境都比旧店好坐左，落Order就照旧快餐形式，食物保持到水准，价钱合理。今次两个人叫左三样野，平均每人$70。双层汉堡包 $56个包好丰富，块牛肉够冧身，生熟程度岩岩好。芝士同个酱汁好香浓，而个酱唔会好酸又唔会好腻，有小小似千岛酱加沙律酱既味道，同个包好夹，好味。薯条 $22薯条就系旧式香港茶餐厅个种，炸到脆口，而且咸味平均。鱼柳扒餐 $53可以拣饭或者意粉，汁就可拣有黑椒汁、咖哩汁同茄汁，包一杯饮品同罗宋汤，几抵食。鱼柳扒炸得几好，唔会一切开就皮肉分离，又唔会好硬。