影片
更多
2011-11-10
650 浏览
天寒地冻，食咩好？有咩好得过一大班friend围埋一齐打边炉或者同埋三五知己叹番个热辣辣既羊腩煲呢？早几日气温骤降，令人胃口都无咁好。我男人因此极力推介位于系黄大仙正德街既大排档入面既正爆羊腩煲！我开头都半信半疑，怀疑有无佢口中讲得咁正咁好呢？羊腩煲整黎整去都系咁架啦！上菜既时候真系眼前一亮，皆因个晚我净系同我男人两个落去食，但个煲羊腩煲既分量系3个人食有余！入面既羊腩香气扑鼻，净系嗅都已经令人垂涎三尺！除左羊腩，羊腩煲既经典材料当然一样都无少，有齐支竹、马蹄、荀同冬菇。除羊腩煲仲附送一大碟生菜，超级抵食！每旧羊腩都焖到透哂，皮同肉已经分开，绝对唔会有羊腩太硬咬唔到既情况出现。所有配料亦都吸收哂汤既精华，净系食条支竹已经感受到成煲既滋味！我地两个食哂成煲羊腩之后，因为唔想浪费个d浓郁既汤汁，就叫多左个乌冬。最后再个食到捧住个肚，寒气一扫而空！当日叫左既食物：羊腩煲 $168乌冬(一个) $25青岛(一支) $15忌廉(两罐) $12食到饱一饱，埋单只需要 $220 !!!希望大家可以支持下系香港买少见少，寥寥可数既大排档!!!(本来无谂住写食评，所以无影到个乌冬同碟菜既size)
有咩好得过一大班friend围埋一齐打边炉或者同埋三五知己叹番个热辣辣既羊腩煲呢？
早几日气温骤降，令人胃口都无咁好。
我男人因此极力推介位于系黄大仙正德街既大排档入面既正爆羊腩煲！
我开头都半信半疑，怀疑有无佢口中讲得咁正咁好呢？
羊腩煲整黎整去都系咁架啦！
上菜既时候真系眼前一亮，皆因个晚我净系同我男人两个落去食，但个煲羊腩煲既分量系3个人食有余！入面既羊腩香气扑鼻，净系嗅都已经令人垂涎三尺！
除左羊腩，羊腩煲既经典材料当然一样都无少，有齐支竹、马蹄、荀同冬菇。
除羊腩煲仲附送一大碟生菜，超级抵食！
每旧羊腩都焖到透哂，皮同肉已经分开，绝对唔会有羊腩太硬咬唔到既情况出现。
所有配料亦都吸收哂汤既精华，净系食条支竹已经感受到成煲既滋味！
我地两个食哂成煲羊腩之后，因为唔想浪费个d浓郁既汤汁，就叫多左个乌冬。
最后再个食到捧住个肚，寒气一扫而空！
当日叫左既食物：
羊腩煲 $168
乌冬(一个) $25
青岛(一支) $15
忌廉(两罐) $12
食到饱一饱，埋单只需要 $220 !!!
希望大家可以支持下系香港买少见少，寥寥可数既大排档!!!
(本来无谂住写食评，所以无影到个乌冬同碟菜既size)
张贴
