百味 (已結業)

冬天食小菜嘅最佳选择就系煲仔菜，因为够晒热辣辣又非常惹味！位于铜锣湾新开嘅百味，餐厅主打粤菜同川菜，所以餐牌选择非常多，广东小炒同麻辣选择都有，当然唔少得煲仔菜啦，真系胃口大开，一定要叫多两碗白饭靓仔先！红油木耳青瓜前菜有呢个红油木耳青瓜，木耳同青瓜都非常爽口。红油辣味浓香，但作为前菜，辣度又唔会太抢太攻，够晒开胃。粉丝什菜煲呢个粉丝什菜煲份量十足，一打开煲盖就传嚟虾米嘅香味，蔬菜有西兰花同菜心，我哋特别钟意索晒汤汁嘅西兰花。但讲到精华所在，就一定系粉丝，好入味呀！三杯鸡煲两个人食最啱就系叫个细煲，份量啱晒。三杯鸡用咗好多唔同嘅配料，好似有葱、蒜、姜、芫荽等等，所以一打开煲盖，就闻到非常浓郁嘅香味。而新鲜滚热辣嘅鸡煲，鸡件份量多，肉质嫩滑，好惹味。酸菜鲈鱼锅同样地，呢个酸菜鲈鱼锅细煲嘅份量就啱两个人食。鲈鱼片嘅鱼肉好嫩滑，完全无骨；食酸菜鲈鱼锅重点当然系宽粉啦，索晒啲酸辣汁，超好味！