euro go go

营业中

休息中

热到头痛的下午，走入朗豪坊行街及凉冷气，可能系人太多的关系，商场冷气都顶唔顺，行行下要走入Euro Go Go食下午茶。由于之后要血拼牛大人，所以只系叫左个班戟配雪糕，降降温，连鸡翼都冇食到。雪糕一放低已经浴溶地，只可以尽快解决，可能真系太热，雪糕大啖食都冇食到麻痺个种快感。班戟就应该系整定，冇个种外热内冻的感觉，但30蚊就唔好咁多要求。最后仲饮左杯荔枝茶。小弟记得细个时有龙眼茶，个收银姐姐话冇龙眼茶，得荔枝茶。究竟系我年纪大记错，定换左menu呢？总括黎讲，Euro Go Go算系朗豪坊平食首选，环境亦唔错。但记得带现金，因为餐厅只接受现金及转数快，以现今黎讲，算唔太方便。