一日三餐 (已結業)

一点半左右去到，约三十人喺前面，大约排了一个钟左右。等既时候已经见到有人食紧铁板银芽肉丝炒面，啲银芽劲多好大份。坐低又见到隔离位食紧铁板杂排餐，心思思想食铁板餐，于是叫个xo酱猪扒炒乌冬，等左大约15分钟就到了。啲乌冬热辣辣，喺冬天食暖笠笠，加左枱面供应既辣椒酱好惹味，而猪扒都好大块，食得满足。至于朋友叫左常餐，份量都足够。最开心多士系用丹麦酥包，除左煎蛋炒蛋外，亦可以拣配薯饼。 值得一赞系餐厅侍应好有礼貌，服务良好！