影片
更多
2021-05-08
2069 浏览
2021年5月3日 星期一今日放咗工又唔想煮饭，所以极速同老婆落咗街揾左呢间餐厅食饭，贪佢够方便，唔使行太远餐厅有好多唔同种类嘅牛肉可以选择，价钱视乎牛肉嘅重量而定，如果石烧牛肉来讲都唔算太贵最平有呢一款牛肩排，180g都系$80，唔需要加一服务费点完餐之后就可以出去自助区拎野食，有面豉汤可以拎，见到里面嘅汤料都好丰富，除咗海带之外，仲有冬菇同豆腐粒添，饮落去味道都好浓郁之后当然唔少得白饭任装，食得出系日本米，因为入口比较软身，充满饭香，而且仲可以加紫菜粉喺上面，会更加好味另外仲有沙律可以拎，基本嘅有沙律菜同蕃茄，全部都好新鲜，仲可以加胡麻沙律汁或者柚子沙律汁添，啱晒钟意食胡麻汁嘅老婆最后我拎左成碗返黎，转眼间已经食晒，因为菜都几爽口，而且蕃茄酸酸地，配埋胡麻汁简直系越食越开胃酱汁方面都可以自行选择，有辛味芥末烧汁、蒜蓉蘸酱同自家制烧肉汁，三本我都有拎返去点肉，其中我觉得自家制烧肉汁系最啱食肉既，因为可以去除咗烧肉嘅油腻感，仲有少少甜味添呢个就系期待已久嘅牛肉，我要左200g既牛柳，都系$110，嚟到嘅时候热辣辣，店员话可以自行控制肉嘅生熟程度，但系由于石板实在太热，所以店员建议我哋尽
今日放咗工又唔想煮饭，所以极速同老婆落咗街揾左呢间餐厅食饭，贪佢够方便，唔使行太远
餐厅有好多唔同种类嘅牛肉可以选择，价钱视乎牛肉嘅重量而定，如果石烧牛肉来讲都唔算太贵
最平有呢一款牛肩排，180g都系$80，唔需要加一服务费
点完餐之后就可以出去自助区拎野食，有面豉汤可以拎，见到里面嘅汤料都好丰富，除咗海带之外，仲有冬菇同豆腐粒添，饮落去味道都好浓郁
之后当然唔少得白饭任装，食得出系日本米，因为入口比较软身，充满饭香，而且仲可以加紫菜粉喺上面，会更加好味
另外仲有沙律可以拎，基本嘅有沙律菜同蕃茄，全部都好新鲜，仲可以加胡麻沙律汁或者柚子沙律汁添，啱晒钟意食胡麻汁嘅老婆
最后我拎左成碗返黎，转眼间已经食晒，因为菜都几爽口，而且蕃茄酸酸地，配埋胡麻汁简直系越食越开胃
酱汁方面都可以自行选择，有辛味芥末烧汁、蒜蓉蘸酱同自家制烧肉汁，三本我都有拎返去点肉，其中我觉得自家制烧肉汁系最啱食肉既，因为可以去除咗烧肉嘅油腻感，仲有少少甜味添
呢个就系期待已久嘅牛肉，我要左200g既牛柳，都系$110，嚟到嘅时候热辣辣，店员话可以自行控制肉嘅生熟程度，但系由于石板实在太热，所以店员建议我哋尽快切开牛肉，以免烧焦
切开之后先发觉原来牛肉有咁大份，就算我厚切，都可以切到成个石板都系牛肉，每旧我都烧得好均匀，大约三成熟左右我就夹起嚟食，食落去肉味好丰富，而且完全唔韧，仲要冇筋，啖啖肉，食得好满足
张贴
