鳳鳴石磨腸粉 (觀塘廣場) (已結業)

WFH左一段时间，依家开番工，开工前叹返个早餐先，好耐冇食热辣辣肠粉。之前试过即场叫等左好耐，所以今次醒目左，系九龙湾就预先打定电话叫定，去到就有得拎走，唔使等。今次叫左个套餐 $36：一份虾米肠粉+ 6粒烧卖 + 豆浆一支，都好抵食。虾米肠粉 - 独爱白米肠粉，肠粉皮滑唔黏牙，虾米足料，加上豉油、葱花、香蒜、芫茜好配合。唯一美中不足，叫走辣走左辣粉，走漏左麻香汁，即系麻辣油，虽然麻麻辣辣几惹味，不过早餐食辣都系麻麻，下次识叫走埋麻香汁。豆浆 - 一支豆浆份量都多，甜度适中，饮到豆味。烧卖 - 口感OK弹牙，唔会食到成口粉。食晒成个套餐都几饱肚。