Talk 2 DeCream (已結業)

今日请左半日假，系大热天时下同闺蜜去左Talk 2 DeCream叹返杯雪糕先。呢间雪糕店以粉红色为主调，少女感好重，好岩女仔黎。餐牌有唔少款式既雪糕，我拣左三重奏朱古力杯，闺蜜就拣左生蜂蜜玫瑰奶杯。生蜂蜜玫瑰奶杯好吸睛，牛奶味雪糕好幼滑，雪糕入面加左啲oreo饼碎，多左重口感，蜂蜜味几出，唔会死甜，好好食。三重奏朱古力杯好浓朱古力味，除左都有oreo饼碎，仲加左榛子酱同玄米粒，口感更丰富，每啖都食到脆脆既口感。佢既甜度强过蜂蜜玫瑰奶杯，朱古力迷一定钟意。