點心到 (廟街)

营业中

休息中

趁住M+博物馆仲有得免费参观，就带两老去西九文化区顺便参观下。艺术嘅嘢我哋真系识条__（请自行填上）。行晒所有展厅都已经好肚饿，要去食饭了。🥳于是我哋就由西九文化区步行到庙街揾食，需时半个钟左右。咁啱又落大雨，于是我哋就揾咗呢度食点心啦。🤩呢度铺仔细细，但装修得几骨子。坐低后自己写点心纸落order，枱面已有壶茶水俾客人清洗碗筷。冇下午茶时间，茶位每个三蚊，唔驶加一，相对茶楼抵食好多。当然食物款式则较少。😅我哋点咗推介嘅笼仔海虾蒸饭，卖相唔错，份量刚好😋。另外都点咗黑金流沙包，可惜冇流沙🤔。黑松露菜苗饺冇乜黑松露味🤔，相信都系将货就价。百物腾贵，二百零蚊可以填饱肚子都算系咁了🤭。