翠灣漁港

营业中

休息中

近排清假喺屋企冇嘢做，出街同婆婆去饮吓茶先。坐低之后嗌咗壶水仙，味道清香易入口。烧鹅肉味浓厚，点埋酸梅酱更惹味。濑粉爽口弹牙口感唔错。炸云吞即叫即炸热辣辣，咬落索索声好香脆。中间馅料啖啖虾肉好足料。鹌鹑蛋烧卖嘅馅肉结实，好juicy。牛肉球蒸得啱啱好，火喉控制得好好，口感松软好juicy，淋埋喼汁酸酸地更好食。鲜竹卷用龙虾汤浸咗好耐好入味，咬落烟韧味道鲜甜。凤爪蒸得好腍，豆鼓味好香浓，口感弹牙有嚼劲。牛柏叶咬落好爽口好有口感，食落无膻味几好食。