一豊 (已結業)

无黎天耀一排，原来改变左好多，街巿唔见左，变左做商场低层，有卖衫的店、有餐厅等，而天耀街坊买𩠌，就要过天盛果边，方便左定唔方便左，见人见智，但近来天水围食肆真系多左唔少，唔再系美食沙漠。好似呢间一豊，就系元朗好出名果间「丼家」班底开嘅，比丼家大间好多，坐得舒服又无咁赶住走。夏天日日热辣辣，假期最好节目系叹冷气训到自然醒，然后舒舒服服去商场食嘢。鳗鱼炒饭：炒到香口，唔会太湿或太干，啱啱好，酱汁亦唔会太多，好怕太重口味嘅鳗鱼饭，鳗鱼切到一粒粒，细粒左少少，但肉质都有弹性有鱼香，炒饭配埋紫菜、蛋、红萝卜等，口感丰富。西京面豉炒杂菜：欣赏杂菜种类够多，有椰菜、西兰花、翠肉瓜、冬菇、红萝卜、本菇等，蔬菜都新鲜，但煮得较腍，而且面豉味唔太够，较清淡，炸蒜应是罐装货，较硬。芝士焗生蚝： 可能我地没即刻食，芝士层已变硬，但芝士几浓郁，内里好多忌廉酱汁，生蚝煮熟后缩细左少少，但蚝味够满浓郁唔腥。盐烧三文鱼头：食盐烧鱼头，个灵魂在于个汁，呢度有酸汁、萝卜蓉、柠檬做成个好酸醒美味嘅汁，点咩都加好多分，三文鱼头肉够滑，唔腥，烧到皮脆口，只系肉算系比较少。金菇牛肉卷：可能唔系肥牛关系吧，牛肉系实净左少少，又有少