元帥麵館 (已結業)

元帅腩肉米线 ($34)我每次嚟都系食呢个，我本身好钟意食腩肉，咬感唔会太硬实，呢度嘅腩肉系本身有少少辣，所以令成碗米线食落更加过瘾。另外米线本身都好爽口，唔会太淋太碎，而面头嘅芫荽葱同肉碎，亦令成碗米线更加香口入味，忍唔住食完一啖又一啖。呀～仲有条娃娃菜吸晒汤底啲味，都系非常正！(⁎⁍̴̛ᴗ⁍̴̛⁎)舖面细细，但都算企理干净，店员都态度好好呀～ 呢度仲有早餐㗎，好似都系同一个价钱但多个餐包同饮品，不过面底应该少啲啲。