小草十八怪石鍋米線 (已結業)

自己都几钟意食米线，寻日去左旺角试左既小草十八怪石锅米线。呢度原来可以DIY 米线，叫好啲𩠌，将材料铺落石锅，再落生滚汤，熟度、米线腍度自己控制，仲有8款汤底拣。但我地叫左先知可以DIY， 所以无玩啦。我叫既系18怪招牌金汤过桥石锅米线，有封门牛柳、海虾、花胶、墨鱼头、蟹柳、鲷鱼片，超丰富，金汤汤底浓郁少少辣，好正。除左米线都仲有好多野食，串烧、荷叶饭， 我地就试左明炉烤海鲈同虾胶酿豆卜。烤海鲈，酸菜鱼汤底，鱼都几大条，肉质较结实。叫烤鱼配一杯特饮，大大杯青柠梳打，够哂解渴。虾胶酿豆卜好好食，好酥脆再配弹牙既虾肉，食唔停。