愛 . 添 (已結業)

其实住屯门除左会去龙门居扫街，仲有去红桥食甜品🍮！而呢间甜品铺由开铺至今，好出名既梳乎厘pancake🥞 同埋窝夫，晚晚都排哂队紧系要试下啦！梳乎厘pancake 今次叫左绿茶红豆！pancake 好松软，蛋味超浓👍🏽👍🏽有一种入口即溶既感觉刺激味蕾！厚度可以话系热香饼加厚十层！好软熟既感觉😌好似令个人融入左蛋浆禁🤤🤤食过几间呢啲梳乎厘pancake 呢间可以话好好食！可以唔想比绿茶红豆抢左做主角，绿茶cream 并唔多，但够浓味！赞👍🏽 珍珠奶茶窝夫，窝夫平时都食唔少，珍珠奶茶味就好少见😲窝夫都好有蛋味，珍珠更与窝夫浆混在一起！唔会将窝夫同珍珠分开！加埋啲奶茶cream 好正！原来珍珠奶茶同窝夫可以好夹！好有创意，好食🤤🤤🤤呢间既梳乎厘pancake 同窝夫并不是普普通通揾钱既甜品铺！好有心思😍相信未来会创造更多新口味同新食物黎满足顾客既口腹之欲🤤🤤整体黎讲店舖内地方唔多但同朋友一齐食下甜品吹下水就好好👍🏽而且食物好好食！可以满足口腹之欲🤤而且店员见到有位置会安排顾客坐得更舒服😌会由细枱转大枱，好让坐得舒适吹得开心食到美味🤣