金田家 (已結業)

天寒地冻，要食啲热辣辣嘅嘢保暖先得！经过荃湾呢间拉面店，装修几企理，感觉唔错，于是就决定今晚喺度食饭！拉面舖例牌选择唔系好多，我地拣咗一个黑豚拉面，一个柚子辛囗拉面。朋友个黑豚拉面最先上枱。拉面面质弹牙，汤头唔会太油，之后加饭落去食完仲可以饮晒啲汤😋之后我个柚子拉面好快都到咗！我𢳂起左一半辣酱，所以食落唔系好难。个汤真系有柚子味，几好味，我都饮左一半个汤😝佢有两种叉烧: 黑豚叉烧同腩肉叉烧，跟拉面嘅系贵啲嘅黑豚叉烧，好大块，比较瘦，好味啲👍🏻我哋追加左腩肉叉烧试下，比较肥，我哋觉得冇黑豚叉烧咁好味；另外仲追加咗溏心蛋同男爵薯饼。溏心蛋系味付嘅蛋，咸咸地好好味，一啖就食晒半只！男爵薯饼系牛肉薯饼同紫薯甘栗薯饼，我好钟意紫薯甘栗，甜甜地同埋咬到栗子粒，两样都无抢到对方嘅味！朋友就话牛肉薯饼都好食，好creamy又够味。呢餐饭整体都几满意，下次想食拉面可以再返嚟呢度。