北海道爐端燒 (已結業)

通常一间餐厅用地方名行头，就系一个信心嘅表现叫法。今日小编同老婆去食晚饭嘅就叫北海道炉端烧， 当然对今晚有点期望啦！餐厅位于3楼，一出lift 其实已经好有和风炉端烧嘅感觉。有个大大嘅sake酒桶喺门口，同埋最重要成间铺头都好热闹坐满人，真系好彩定左位！睇完餐牌嘅选择真系多，今晚都比平时叫多咗嘢因为想试吓唔同嘅菜式。当然小编唔会放过试甲罗烧(蟹盖蟹肉蟹膏烧)。首先服务员真系攞个炉过来准备，大概到咗之后佢示范将奄春蛋同埋烧酒放落去一齐煮熟佢。佢示范话只要一收水就可以食啦！个蟹膏真系冇得顶，其实一路食一路都闻到好多客叫！之后试咗个前菜明太子沙律，转眼间好快就食晒！今日真系好开胃。再嚟就系个炒面同埋带子乌贼烧，炒面我见到差唔多10枱有8台客order 。原因你食落就知，真系好似餐牌咁叫神奇炒面，神奇地咁好食到最后压轴就喺稻烧安格斯牛扒，牛扒大约medium rare 熟。我觉得稻烧就有点似慢烹咁，所以有啲似roast prime steak 不过系日本板个肉好嫩同个汁真系好夹！题外话下次会试吓呢个，芝士意粉， 完全新鲜见佢喺餐厅正中心度炒。好期待下次再帮衬！