彩福皇宴 (京瑞廣場1期)

营业中

休息中

今日朋友约咗团年， 晚饭好难订位 ，于是就决定来个团年点心餐。🎊🎊午餐一样人多， 全场满座 ，非常热闹， 三年冇见嘅朋友， 大家都兴奋无比， 一见面就滔滔不绝咁讲中招经历 。😛😛当然 少不了叫到一枱都系点心 ，大家都肚饿， 所以乜都叫，虾饺两笼， 烧卖， 山竹牛肉， 肠粉 ，马拉糕， 海鲜薄撑， 蒸排骨 ， 萝卜糕同芋头糕， 呢度点心实惠， 炒粉面够大碟 ，于是又炒咗福建炒饭， 同埋肉丝炒面 。呢度啲点心都唔错， 虾饺大大只爽口鲜甜 ，蒸排骨有芋头垫底， 肥瘦均匀， 海鲜薄撑煎得外脆内软， 山竹牛肉大大嚿， 点喼汁好好味 ，马拉糕就差啲 ，因为好似发得唔够 ，死实实的 。幸好大家心情靓， 一枱嘅食物 ，全部扫晒， 仲要坐到两点几 ，先至依依不舍散去。 希望疫情过咗 ，有多啲聚餐嘅机会 ，食嘢事少 ，相聚事大 ，珍惜 每一次相聚嘅机会。👍🤗