大大鑊 (已結業)

大班朋友又唔想成日打边炉或者BBQ，韩国新式大大镬就岩哂。 烤牛肉沙律 ($145)食咁多肉之前梗系食返个沙律清新下。沙律菜清新，牛肉嫩滑，腌过更惹味。 芝士风味鸡 ($299 二人份量)韩国超流行既大镬料理。将大过两块面既铁镬热左之后，店员就会将椰菜、红萝卜、蕃薯、年糕，当然仲有滑滑既鸡脾肉，配上甜辣酱一齐炒，炒到材料林身之后，就将主角芝士倒系中间，等佢半溶就可以开动啦。鸡肉肉质好滑溜，配埋甜辣酱，辣得惹味香口，仲有椰菜金菇炒得入味。年糕煮耐之后好软糯，点上重奶香又够咸香既芝士，仲拉哂丝真系超邪恶。唔够饱仲可以追加拉面，炒饭等等，食完超级满足又饱肚呢，岩哂一班人热热闹闹咁食。