海怡半島住戶俱樂部餐飲部(中菜廳)

营业中

休息中

年三十去左海怡会所既海悦酒家食团年饭。7点半入座，现场人山人海，座无虚席，好不热闹。第一道菜 -- 龙虾伊面🦞龙虾好足料，十二人每人一件都仲有3、5件净。伊面入味多汁。第二道菜 -- 发财鲍片好市蚝是中蚝来的。发菜量就真系比较少。味道几好。有水准。第三道菜 -- 大虾象拔蚌炒勤菜🍤 ，都好爽口。正常发挥第四道菜 -- 有啲惊喜，大大粒炸物系芋泥包带子。带子保持到鲜甜多汁，芋泥不腻之后系竹丝鸡响螺汤，个汤睇落好清，入口好甜，有水准。我饮左2碗🤭跟住系蒸老虎班，鱼皮又厚又弹牙，我至爱。可惜蒸得耐左少少。鹅掌鲍鱼菜苗，鹅掌在外围包住鲍鱼，合晒新年寓意👍🏼然后上菜速度慢左好多… 等左好耐才上烧鸡… 又再15分钟才上糯米饭.. 好味又份量足，系不似前几道菜咁热腾腾了。双皮奶甜品 甘香嫩滑。开心返最后仲有寿包食🤣 我饱到食唔落喇。长辈们食话个莲蓉馅轻身湿润，好食。