富來紫砂飯店 (已結業)

今晚同2个朋友嚟食煲仔饭，我们叫了一个2人套餐$148(包一盅细炖汤、一个煲仔饭、一个小菜同饭后甜品)另加一个煲仔饭同小菜；炖汤系川贝海底椰妥瘦肉炖雪梨(套餐)，煲仔饭系梅菜肉饼饭(套餐)同北菇滑鸡饭$40，小菜系鲜竹什菌浸时蔬(波菜)(套餐)同乌酱鱼头煲$55，甜品系香芋西米露(套餐)；茶芥每位$5小食$10另收加一，全张单合共$294.8，每人都系$100，我们认为价钱合理。 炖汤好清甜，又唔油腻又无味精超正；煲仔饭的饭焦非常好味，我们只是加热水已经好香脆，用料新鲜尤以北菇滑鸡煲仔饭鸡好滑亦有鸡汁渗入饭内，所以比较香，小菜用料亦见新鲜，乌酱鱼头煲有少少辣味，好香口，鲜竹什菌浸时蔬亦系少油少盐。 有一点我要为这间店平反的，其实这间店的出品份量并不少，只是个砂锅实在太大，所以会令人有错觉份量少吧？煲仔饭有3碗几，𩠌的份量也不少，我们3个人亦食光了全部食品(因为好好味)。 我们非常欣赏呢间饭店，装修得古色古香坐位舒适，服务也不错一叫就有人落单、加水，而且出品大都少油少盐非常适合爱健康的人士，下次一定会再光顾。