名館 (已結業)

周日几只饭脚last minute call食晚饭。礼拜日揾位更系唔易啦，其中一个话试写字楼区一定有，结果就贡咗上中环名馆。Soho 区食中菜晚饭都系第一次。抢眼茶壶炖汤见有特色就落单 天山雪莲炖海星、姬松茸炖花胶 功夫茶杯盛载的确有啲架势，两个炖汤均以鸡汤底炖煮，鲜味各有千秋，海星汤味道近似轻量版螺贝类的鲜甜；松茸花胶就充斥菇菌香，入口微带浆黏，冬日炖汤倍感温暖。前菜 胡麻贡菜鲜合桃 及 海葡萄沙律菜 酱料都注入少量芥辣，非我所好，不过合桃香，海葡萄与沙律菜都可以食得出新鲜味。 口痕友晚饭叫咗两个点心 海绵叉烧包 鲜虾金鱼饺，叉烧包的确较一般酒楼松软；虾饺造型可爱味道未算突出。中菜加点心不其然会饮啖茶，味蕾即时为之一振，原来系餐厅自家荞麦茶，茶香独特整晚饮得特别多茶。饭桶友 Order 咗个 和风樱花虾炒饭 樱花虾跟酱油又真系令到个饭几香口嘅。佐以 蜜椒土豆安格斯牛柳粒 啱晒；啲薯仔索晒牛肉同酱汁味道又香又甜又惹味。浓汤咸烧骨奶白菜味道与云腿津白相近可算系异曲同工之妙，冬日以蜡烛保持菜色和暖可以一赞。最后 台式塔香茄子 塔香香味独特如果可以小瓦煲热呼呼端上一定可以成为冬日美馔。甜品原