川燒 (已結業)

寻晚老婆大人睇完电视啲饮食节目，今日就话好想食串烧。好啦，横掂都好耐无食串烧了。今晚黎呢间川烧位于佐敦文英街，老婆大人就话点解好似熟口熟面，我答佢「梗系啦，隔离咪油麻地狗公园啰，你早两日先黎过」整张MENU睇下先都好多选择㖞都系拣左野饮先，食串烧最好叫枝啤酒饮下，无咁热气吖吗最后叫左呢支KONA BIG WAVE，啤酒味唔算太重，平时唔多饮酒都可以一试。先黎季节限定嘅--冰镇芥兰劲芥兰一啲都唔苦㖞，加上天时暑热，整个凉伴前菜真系可以开开胃口。川香海蜇伴青瓜--细个成日叫海蜇做橡筋，就系钟意啲「橡筋」够烟韧再配上爽口青瓜，又一醒胃之选。烧鲜虾胶腐皮卷--外层烧得很脆，内里虾胶很滑且香。烧特级牛舌心--牛舌都是属于较稀少的部分，所以我会慢慢品尝，肉质够嫩，牛味十足。特别推介--蛏子王SIZE相当大，不愧蛏子王之名肉质爽口弹牙，味道鲜甜，只想一吃再吃。呢款烧日本广岛蚝，虽然并非十分肥美，但蚝味非常浓，而且也没有烧得很干，内里仍然保留著水份。烧芝麻汤圆我第一次食，平日食芝麻汤圆糖水时，成日比啲汤冲走了芝麻。但烧汤圆就唔会了，芝麻烧过后更香，外皮则相当烟韧，作为甜品够晒满足。