一杯屋

营业中

休息中

难得要返Office，放工就同同事小酌一杯，我地去左位于铜锣湾嘅一杯屋居酒屋。餐厅格局都唔错，几有日系风格，而且间隔上似划咗包厢，私隐度高，特别系呢个时势同人隔开啲都好。虽则两条佬嚟食，但都唔系食咗好多，反而系食串烧同一品料理为主，选择多，上菜亦快。首先要左一份美国牛小排，睇卖相就已经觉得好靓，烧至大约五成熟，咬落好Juicy。可能因为烧香左，就唔觉啲脂肪位好肥腻。女友唔喺度就叫条鱼食下，因为唔使拣骨比佢。呢条盐烧喜之次Ok㖞，一放低已经有烧即香气，二来肉质细嫩，配上酸汁食更能突显鲜味。之后就食咗一连串嘅鸡串烧，估唔到鸡嘅种类都咁多啊！当中包括简单用上七味粉调味已经好食嘅鸡心、鸡小肉同鸡肾；比一般鸡软骨爽口弹牙嘅鸡胸软骨；以及比较少见鸡横隔膜肉，上面加咗山葵面豉酱，店员话呢个酱能将最原始味道呈现。佢其实系内脏，但冇腥味，几有咬口。最后系烧大黑菇，切片上食得方便，只菇无烧到干，食落依然多汁。