快靚正燒味粉麵茶餐廳 (已結業)

最近频频到婆婆家家族聚会，一家人欢聚除左嘻嘻哈哈乜都倾，食饭都系一大环节，次次我同老豆都会论流斩料加𩠌，今次到我，出完西九买野，就顺便系天桥下面间快靓正斩料~以前住深水埗都成日食~除左可以外买，左边仲有另一铺位系佢地既餐厅，可以堂食~烧味价钱大众化~挂到满满既叉烧墙，色水靓到见到就流口水，我就最爱半肥瘦，但亲戚怕肥，所以今次要左瘦叉~当然要请师父加d蜜汁啦虽然系瘦叉烧，但唔会干硬，食落软熟，入味，个蜜汁甜甜的好惹味另外斩左一斤乳猪，师父系个盒度开左个洞，到夜晚食时个皮仲系脆卜卜，只猪肥瘦适中，脆皮下一层薄薄的脂肪，食落甘香，肉质嫩滑~见到烧腩靓，又斩一斤，个皮超级酥脆！油脂同猪肉，油脂薄身，肉厚身，层层相间，食落松化，肉味香，沾芥末食，味道好夹，仲减轻腻感~~除左叉烧，仲有烧排骨，排骨比叉烧焦香，喜欢啖啖肉的就食叉烧，喜欢较为香口同有骨"选"下的就岩食烧排骨，两款都够入味，两款都好吃~