澳瑪葡國菜 (已結業)

由于今日系国庆假期，而大姨妈有夜晚嘅烟花汇演嘅门票，所以我们约埋舅父舅母一齐去睇，但我们就提早喺傍晚𠮶阵食晚饭，所以我们就去咗较早前去食过觉得唔错嘅海运大厦嘅「澳玛葡国菜」食晚饭！我们叫咗葡式烤乳猪嘅外皮同之前一样烤得好香口脆身，肉质好松化软滑，脂肪亦唔会过多，真系好正呀！招牌炭烧霹雳春鸡嘅肉质好松软嫩滑，至于呢个秘制嘅酱汁系表弟最钟意嘅，因味道相当惹味，而且外层烧到有层焦香，真系好好味呀！炭烧是日鲜鱼伴时蔬今日嘅鲜鱼系鲗鱼烧得好香脆，而且香气扑鼻，肉质好鲜甜嫩滑！葡式海鲜烩饭嘅味道好似有啲啲海鲜味嘅蕃茄汤咁，但虾肉都唔系好新鲜，有啲霉嘅感觉！炭烧牛肋排一上碟𠮶阵我们个个都觉得唔太满意，因啲牛肋排烧到又㶶又黑，食落有超浓烈嘅苦涩味，而且肉质亦又干又硬，真系令我们觉得好失望呀！葡式蛋挞嘅挞皮相当酥脆，蛋味亦好够香，而且甜而不腻！