火山燒 (已結業)

今日出咗去荃湾附近做嘢，放工梗系系荃湾食埋饭先返屋企，呢间成日经过都好想试，今晚经过唔多人就入去试下，都几多款式拣，价钱唔费，CP值高。蒲烧双层日本鳗鱼忌廉滑蛋珍珠米丼双层日本鳗鱼好厚身，烧到好香口，口感爽脆。忌廉滑蛋处于半熟状态，口感真系好滑。另加$29可以升级套餐，套餐可以系饮品、汤、串烧、沙律入面四选三，饮品仲要系全部饮品都拣得添。饮品拣左茉莉花茶海盐奶盖茉莉花茶香浓，都有阵阵海盐味，奶盖绵滑。美国谷饲牛小排野菌锅牛小排牛味浓郁，食落有口感，肉质偏瘦，但依然软熟。汤底可选豆乳汤底或地狱汤底，我地拣左豆乳汤底，口感幼滑，豆乳味好香。