吉列牛忌廉烏冬專門店 (彌敦道) (已結業)

香港唔系好多地方有得食吉列牛，今次嚟到旺角嘅726大楼17楼～呢间韩国餐厅，出名吉列牛，差唔多枱枱都有叫一个炉嚟烧～首先，order返一份吉列牛定食，除咗有份量都几多嘅吉列牛，有酱油、类似wasabi忌廉酱，去调配唔同味道嚟食～仲有沙律、昆布汤同埋味素饭～吉列牛切到细细件方便烧，外层浅浅一层酥脆，肉质软嫩，每面烧几十秒就食得，睇下自己喜好嘅生熟程度～～好味～食唔停口～另一个主食，叫咗带子蚬肉蟹籽釜饭，呢个都几正，材料丰富，大大粒厚肉带子，加酱汁拌匀蟹籽同蚬肉，啖啖鲜味～叫多一个小食share食，Kobekyu牛油蜜糖单骨鸡翼，甜蜜蜜，肉几嫩口，简单滋味小食～