棋哥燒鵝餐室

营业中

休息中

去完中央图书馆，喺天后揾嘢食，港铁A2出口的电气道两边林立不同食店，每间都是小型餐馆，有些更是只做外卖。见棋哥门外有些顾客等外卖，相信食物质素应该不错。店内环境就如其他茶记摆设差不多，餐牌上全都是烧味，就算常餐都包括叉烧粉面，加十蚊可以转烧鹅粉面。同老公两个人点了烧鹅濑粉及乳猪五宝饭。烧鹅份量好足够，味道香浓但不会太咸，皮脆肉香。乳猪五宝饭包括乳猪、叉烧、油鸡、咸蛋及红肠，还有榨菜及几条油菜。乳猪皮香脆可口，可惜有两件较为肥，叉烧半肥瘦好入味，油鸡表现ok呀，咸蛋要趁仲有饭嘅时候快啲食。另外叫咗碟油菜，唔要饮品加钱要咗碗花生眉豆鸡脚汤，只见花生未见鸡脚，好彩唔觉有落味精，尚算好饮。