影片
更多
2009-08-08
26 浏览
今日俾老豆叫左出去食晚饭, 佢提议黎呢度食, 我同哥哥原本对呢间野麻麻地, 因之前黎食过(讲紧前身系姑妈茶餐厅时), 不过见佢老人家咁兴致勃勃要介绍"好野"俾我地, 就顺佢意去食啦...去到未到7:00pm, 仲有位, 不过都几full吓, 多卡位几舒服, 又有电视睇, 我地三人叫左三款小菜:1) 椒丝腐乳唐生菜 2) 枝竹牛腩煲3) 烧味双拼例牌(叉烧+油鸡)另+$8配白饭及例汤/饮品菜同腐乳系一齐炒, 唔系就咁淋汁上面, 炒得岩岩好, 菜好爽, 个汁又唔会一pat pat,好食牛腩煲好浓味, 有冬瓜枝竹同牛腩, 牛腩炆得够焾, 又四正, 唔会有太多不必要既肥膏同筋位, 只系略为咸左dd, 黎lunch会试吓叫佢个咖哩牛腩, 老豆推介烧味份量够4-6人食, d叉烧好好食, 中间有d似食紧猪颈肉, 边边有少少肥, 食落甘香唔腻, 油鸡唔系我"飞佛'不过唔错几滑, 我中意食切鸡多d, 佢地个招牌"咪走鸡"我未试过, 有机会都会试吓, 整体好过附近"太兴", 又贵又"蚊"型size, 对比呢度好味好多, 见隔离枱个腩肉好靓仔咁, 下次会叫叉烧+腩肉例汤:
今日俾老豆叫左出去食晚饭, 佢提议黎呢度食, 我同哥哥原本对呢间野麻麻地, 因之前黎食过(讲紧前身系姑妈茶餐厅时), 不过见佢老人家咁兴致勃勃要介绍"好野"俾我地, 就顺佢意去食啦...
去到未到7:00pm, 仲有位, 不过都几full吓, 多卡位几舒服, 又有电视睇, 我地三人叫左三款小菜:
1) 椒丝腐乳唐生菜
2) 枝竹牛腩煲
3) 烧味双拼例牌(叉烧+油鸡)
另+$8配白饭及例汤/饮品
菜同腐乳系一齐炒, 唔系就咁淋汁上面, 炒得岩岩好, 菜好爽, 个汁又唔会一pat pat,好食
牛腩煲好浓味, 有冬瓜枝竹同牛腩, 牛腩炆得够焾, 又四正, 唔会有太多不必要既肥膏同筋位, 只系略为咸左dd, 黎lunch会试吓叫佢个咖哩牛腩, 老豆推介
烧味份量够4-6人食, d叉烧好好食, 中间有d似食紧猪颈肉, 边边有少少肥, 食落甘香唔腻, 油鸡唔系我"飞佛'不过唔错几滑, 我中意食切鸡多d, 佢地个招牌"咪走鸡"我未试过, 有机会都会试吓, 整体好过附近"太兴", 又贵又"蚊"型size, 对比呢度好味好多, 见隔离枱个腩肉好靓仔咁, 下次会叫叉烧+腩肉
例汤: 节瓜红萝卜煲唐排, 几好饮, 不过味精一定走唔甩, 有口干现象
总括黎讲食物水准几好, 侍应有礼貌, 又唔赶客, 估唔到"姑妈"走左会带来左d新气象, 我会黎多d
张贴