大壹燒鵝 (啟田大廈)

营业中

休息中

今日喺蓝田启田邨附近见到大壹烧鹅新开张，就第一时间就去试试，其实之前都试过马鞍山𠮶间，记得都好好味。今次order咗大壹烧鹅髀濑粉、熏蹄拼叉烧饭加咸蛋，再叫咗蒜蓉粉丝蒸开边虾。烧鹅髀真系冇得输，咬落去就feel到好juicy好多肉汁。烧鹅髀皮质又超香脆，钟意食鹅嘅朋友会食得出大壹烧鹅特别美味。叉烧熏蹄饭就用半肥瘦叉烧，而且肉质脂肪比例分布平均，面头嘅蜜汁今叉烧更好味，熏蹄点埋个白醋食同样令我回味。 开边虾就绝对值得推介，d虾又大只又够新鲜，加埋蒜蓉食绝对令人想一只一只咁食落去。而最紧要底层嘅粉丝，索晒所有嘅鲜味，捞埋饭食我就最钟意。