影片
更多
2023-04-19
149 浏览
每隔一排就会想黎呢到食烧鹅，今次又带其他朋友黎试下睇下有咩评价。一如以往，餐厅十分旺场，当日7点去到都要等一阵先可以入座。当日两个人嗌左一个烧鹅下庄，同埋两碗烧味濑粉。叉烧(单拼配濑粉$53)，叉烧系腩叉，无得指明要肥定瘦，一般都会提应半肥瘦既叉烧，钟意食瘦叉既朋友可能要留意下。上菜时几靓仔，有㶶边，叉烧食落重玫瑰露味，调味比较甜，肉质柔软，肥膏位食落爽口。豉油鸡(单拼配濑粉$53)，油鸡当日比左胸同翼位，鸡胸入口唔会太嚡，豉油鸡都有小小玫瑰露香而且几入味。蘸鸡既葱油几香而且唔会死咸，唔错。烧鹅下庄($158)，烧鹅好似比以往细只，虽然上菜时温度微暖，鹅皮保持到香脆，肉质入口腍滑，腌料方面五香粉味比较重，烧鹅腌得入味，最钟意食鹅背位，够肥又够味。除左温度整体都保持到水准。食完唔够喉叫多左个芒果布丁($12)，布丁入口香浓顺滑，奶味足够，芒果份量亦十分慷慨，好有惊喜私心推介。整体水准都KEEP到，唯独当日烧鹅温度有小小失色，相信系太多客做唔切，总括黎讲系满意既，食物选择多，水准唔错而且价钱抵食，餐厅除左烧味仲有小菜提供，值得回头既一间。
当日两个人嗌左一个烧鹅下庄，同埋两碗烧味濑粉。
叉烧(单拼配濑粉$53)，叉烧系腩叉，无得指明要肥定瘦，一般都会提应半肥瘦既叉烧，钟意食瘦叉既朋友可能要留意下。上菜时几靓仔，有㶶边，叉烧食落重玫瑰露味，调味比较甜，肉质柔软，肥膏位食落爽口。
豉油鸡(单拼配濑粉$53)，油鸡当日比左胸同翼位，鸡胸入口唔会太嚡，豉油鸡都有小小玫瑰露香而且几入味。蘸鸡既葱油几香而且唔会死咸，唔错。
烧鹅下庄($158)，烧鹅好似比以往细只，虽然上菜时温度微暖，鹅皮保持到香脆，肉质入口腍滑，腌料方面五香粉味比较重，烧鹅腌得入味，最钟意食鹅背位，够肥又够味。除左温度整体都保持到水准。
食完唔够喉叫多左个芒果布丁($12)，布丁入口香浓顺滑，奶味足够，芒果份量亦十分慷慨，好有惊喜私心推介。
整体水准都KEEP到，唯独当日烧鹅温度有小小失色，相信系太多客做唔切，总括黎讲系满意既，食物选择多，水准唔错而且价钱抵食，餐厅除左烧味仲有小菜提供，值得回头既一间。
张贴
