大爺燒鵝 (香港仔大道)

营业中

休息中

自从疫情蔓延，都好少外出用膳，今日途经香港仔，行过依间大爷烧鹅，喺门外已经闻到阵阵烧鹅味，再望下个厨窗挂住胀卜卜嘅烧鹅，金黄色嘅烧肉，即刻流晒口水！油鸡饭，甜甜豉油，卤到鸡皮入晒味，专登叫鸡胸，一d都唔鞋，好嫩滑，而且师傅仲起埋骨！薰蹄海蜇饭，海蜇调味得刚好，好香蔴油味，爽脆口感，而且薰蹄块猪皮好弹牙，补充骨胶原，配上辣椒醋食，一流！烧鹅叉烧食，一试难忘，烧鹅皮甘香可口，一啖咬落去，满口充满鹅油！而且鹅肉腌得充满香料味，半肥瘦叉烧，甜蜜可口！烧肉皮脆肉爽，原来所有烧味都系铺内即烧，所以够晒新鲜！另外，值得一提嘅系，店内依个男店员，非常之有礼貌，因为我地想食多款烧味，佢耐心帮我地分配好，以最实惠价钱，食到所有物品，而且佢不停留意店内食客需要，主动提供服务，咁热衷工作嘅年青一代，真系值得嘉许作鼓励！