阿爺燒鵝餐室

营业中

休息中

阿爷烧鹅餐室之前已经听朋友提过话佢地啲烧味唔错，不过因为只有大围同西湾河有分店所以一直未试过，今次去开附近做野就顺便买个外卖返屋企食。阿爷门面虽然同普通烧味铺差唔多，但入面其实佢系似一间茶餐厅，里面有好多张四人枱，比旧或烧味铺干净企理好多。佢地除左烧味，其实仲有其他中式碟头饭、凉拌小吃、三文治同西多。叉烧烧肉鹅油捞面($63) - 烧味双拼饭本身$53，唔想食饭仲可以转濑粉、米粉式者生面，我就加左$10转鹅油捞面。叉烧唔算太肥，不过食落都松软。烧肉肥瘦相间，烧肉皮仲好香脆。鹅油捞面好爽口，面条唔会痴埋一旧，亦唔会太油。例汤($15) - 系眉豆花生鸡脚汤，鸡脚煲到好腍，汤头好入味，出奇地冇乜油，感觉好健康。奶酱多($16) - 奶酱虽然未至于多到泻，但加埋烘底已经好好食。红豆冰(跟餐加$8) - 红豆煲得够腍，奶味啱啱好唔会盖晒红豆甜味。奶茶红豆冰($28) - 茶味几香浓，加埋又腍又甜嘅红豆，好好饮。总结，烧味质素唔错，比快餐店好食，但环境又干净企理过烧味铺，钟意佢除左烧味亦有其他野食，就算同行朋友唔想食烧味都啱食。