好燒味 (已結業)

喺金钟返工嘅人就知道，金钟其实真系冇咩嘢好食，最多会落去湾仔𠮶度食饭！虽然话金钟廊𠮶边选择都几多，但系价钱好多都比较贵，呢一间我觉得会相对比较平啲， 50几蚊就有交易，以地段嚟讲我觉得算系咁。今次要咗个最传统嘅叉烧豉油鸡双拼，我几欣赏佢用咗青瓜代替菜心，因为我觉得青瓜感觉爽口好多，可以消滞。以佢个叉烧其实都几入味几甜，我钟意有啲㶶边咁。啲鸡肉味道都唔差，鸡肉都几嫩。其实我见到佢仲有素嘅叉烧，唯有下次再试下。