一樂燒臘飯店 (已結業)

大人知道我喜欢食烧味，指点左我叫我试下呢度d烧味。话说呢日夜晚8点几，经过呢间餐厅，望到挂在柜窗的烧味个样都仲几新鲜甘，就不如呢树食dinner吧！星期一晚又呢个时间，加埋最近个外围环境，呢轮好多餐厅都唔会好多人，餐厅大约6成满，待应靓姐叫我地随便坐，甘我地就揾左个卡位坐。睇餐牌研究左一阵，十五十六食唔食烧鹅髀饭好，最后都系决定食个双拼试一试虚实先。「(双拼) 叉烧, 烧鹅饭」: 有好多旧叉烧，4件烧鹅，饭唔算好热但okay，因为烧味有微温而唔系冻(之前食亲「太兴」d烧味都系冻)所以觉得可以接受。饭的豉油唔太多，个人比较buy甘样，因太多豉油会好咸同over。蜜汁叉烧瘦肥相宜，丰腴有油脂香，唔柴皮不过亦唔系肥叉，几对胃口。烧饭虽然得4件，都尚算有肉，鹅肉肌理分别，咬落有嚼劲，外层深砖红色鹅皮香酥而薄，透白油膏夹在鹅皮及鹅肉之间，在鹅皮沾上酸梅酱可去油腻感。55蚊的双拼饭(不包饮品)，个人认为okay。「(双拼) 叉烧, 切鸡饭」:切鸡鸡皮肥味，算有鸡味，肉亦算滑，叉烧同上唔再多讲，加埋姜蓉、葱油一齐食唔，带出鸡肉咸香。食烧味饭，梗系要饮返枝可乐，满足的一餐。