連豐燒味餐室

营业中

休息中

铜锣湾呢个商业中心虽然冇中环咁高贵，但由于租金唔便宜，大部份开喺大商场同附近嘅餐厅价位都唔低。不过行过少少就会发现其实都有好多经济实惠嘅选择。响时代广场旁边，穿过鹅颈桥另一边就已经系湾仔，位于街市旁边有间其貌不扬嘅烧味店。附近有好几间比较有名嘅烧味店，一个双拼饭，点要$50-$60，而呢度嘅双拼饭，平过佢哋好多，等我试吓先。我叫咗个叉油鸡少饭，装饭嘅叔叔好可爱，再三问我系唔系真系够食（可能我个样真系好大食）。而且可能因为我叫咗少饭，所以佢比多左几条菜我。一食旧叉烧就好失望，又干又柴，反而豉油鸡就相当唔错，够香口而且鸡肉都叫做几滑。朋友去过都话佢嘅叉烧好难食不过鸡同我就几好，去嘅朋友强烈建议唔好食佢嘅叉烧。呢个价格嘅但我唔会有投诉，但就要小心避咗啲伏位啦。