蓮香樓

一到大时大节，就会谂起食盆菜。方便唔使自己整，一盘过，碟都洗少几只。只需要加热，上枱就会热辣辣。依家啲盆菜成日见到都要过千蚊，不过最近见到一个疫情下嘅推广震撼价，仲要系由老牌有名嘅酒楼推出。$188四人用，平均每位唔使$50 ，平时食个叉烧饭都唔止啦。不过无论点都睇咗个质素先。用料都唔系矜贵嘅材料，不过烧味妹觉得佢嘅叉烧同贵妃鸡都好唔错。鹅掌煮得好淋，南乳猪手几唔错，冬菇好大只，就连猪皮都整得好入味。唯一就系椒盐虾始终系干争争，就如大部份盆菜一样。少少建议，直接摆上炉火加热下面浸住汤汁嘅嘢食热，但上边既都唔会热，建议成个盘攞去蒸完先上炉，咁就上面嘅嘢都会热了。$188绝对交到功课，四个人我哋冇食饭都食唔晒。听酒楼姐姐讲盆菜预订成日都爆满，建议早啲打电话去预订。