柞木炭家

营业中

休息中

餐厅环境好阔落，大块玻璃可以睇到街外边嘅境况，坐得好舒服，侍应好贴心，会主动帮我哋更换炉板，坐低已经即刻上咗前菜，仲有主打嘅泡菜，泡菜好入味，唔会好辣。青肉蜜瓜沙冰 卖相好靓，原个哈密瓜做杯上，有好多粒圆形哈密瓜，食极都仲有，水果好鲜甜，沙冰唔会太冻，感觉啱啱好，饮落甜度适中，推介！寿喜烧和牛西冷好大块，烧嘅时候好香牛味，好易烧，好快熟透，食法好特别首先要同生鸡蛋搅匀，之后再包住𠮶饭波食。担担味噌茄子茄子份量好多，有大概8-9大大块，混合肉碎一齐食，啲茄子吸咗担担味噌肉碎味，咬落仲好Juice。庆洲极上黑毛猪梅肉比较厚身嘅猪梅肉，烧好咗之后，再将边位烧香，丰富嘅肉汁，好香肉味，唔韧！济州活鳗鱼十分推介，鳗鱼好新鲜，鱼皮烧出嚟好香脆，配埋鳗鱼汁就更佳！和牛牛肋肉有十几块，脂肪比例适中，厚薄度适中，容易烧，加少少盐更加带出牛肋肉嘅香味。和牛三文治唔使烧即刻食得，面包烘底香脆，和牛好厚身，口感好特别。