神燈燒 (已結業)

门口个牌大大个灯神卡通，成个烧山咁嘅样，原来系佢开嘅食足3个钟嘅放题，食物选择超级多！熟食，刺身寿司烧肉，蒸品，甜品，糖水，任饮酒精饮品仲有清酒！omg!!好多盏土耳其灯，全程播阿拉丁(神灯/灯神),壁画系jasmine. 环境好阔落，坐得好舒服，慢慢食一d都唔急，大家都可以拣到啱自己食嘅野。手机落单，上菜都几快。野食摆盘几有心思，好多装饰嘅生菜，有时有菠萝。烧肉最尾要食烧菠萝，无咁饱帮助消化。个炉系用发热线，格网烧，唔会弹油，仲可以较火力。都唔容易烧㶶。抽气都几快，睇到d烟喺炉边即刻抽走嘅。选择太多，所以上枱每样野份量都偏少，但石锅饭见隔离枱系成个lunch size咁大兜。。。点食啊？~~~Menu有珍珠奶茶，但𠮶日卖晒。。。叫咗仙草奶茶，好饮，但无得拣少甜，好够冻！雪糕红豆冰劲大旧雪糕，饮野都饱晒！自取饮品柜劲多野饮拣！仲有雪糕柜，真系超多野拣！肉方面我地食level 2餐，有特饮，美国安格斯牛肉同水产。刺身质素都唔错，带子鱿鱼，三文鱼都几新鲜软滑，味道几浓郁。食早鸟时段最好，一早身已经中午，开始嘅时候就好肚饿，食3个钟饱到夜晚唔洗食，全日净系食一餐！