影片
更多
2024-05-05
1728 浏览
天口热约咗朋友夜晚食泰国菜，间餐厅喺太子都近地铁站出口。铺面唔大，装修几泰国feel，好彩有打电话book位咁就唔使等嗱✌🏻烧猪颈肉 $85平时麻麻地钟意食猪肉，因为容易又柴又干身，但佢个猪颈肉真系烧得啱啱好，食落冧身但边位香口，配埋佢个汁真系出色烧鱿鱼 $118以为得一条，但上到黎系满满一碟，份量多。鱿鱼又系烧得啱啱好，弹牙易咬👍🏻👍🏻个汁都好味，个人觉得辣左啲啲冬阴功海鲜面锅 $168职员见我地3个女仔，点完呢三样都提我地够食家嗱，但冇谂过个面锅大份到咁😂面份量唔少，海鲜有虾、带子、鱿鱼同蚬，个冬阴功汤底味道啱啱好，唔会太咸/太辣，几开胃。野饮都好多选择，不过我地叫左一人一个椰青😂 （$38each）埋尾叫左个细芒果糯米饭（$53）可以拣黑或白糯米，最后拣左白糯米饭。芒果同椰浆都几清甜，糯米饭仲有啲微温同软糯🤤Ps 男店员都几细心，见朋友要食药会主动拎多杯水黎
天口热约咗朋友夜晚食泰国菜，间餐厅喺太子都近地铁站出口。铺面唔大，装修几泰国feel，好彩有打电话book位咁就唔使等嗱✌🏻
烧猪颈肉 $85
平时麻麻地钟意食猪肉，因为容易又柴又干身，但佢个猪颈肉真系烧得啱啱好，食落冧身但边位香口，配埋佢个汁真系出色
烧鱿鱼 $118
以为得一条，但上到黎系满满一碟，份量多。鱿鱼又系烧得啱啱好，弹牙易咬👍🏻👍🏻个汁都好味，个人觉得辣左啲啲
冬阴功海鲜面锅 $168
职员见我地3个女仔，点完呢三样都提我地够食家嗱，但冇谂过个面锅大份到咁😂
面份量唔少，海鲜有虾、带子、鱿鱼同蚬，个冬阴功汤底味道啱啱好，唔会太咸/太辣，几开胃。
野饮都好多选择，不过我地叫左一人一个椰青😂 （$38each）
埋尾叫左个细芒果糯米饭（$53）可以拣黑或白糯米，最后拣左白糯米饭。芒果同椰浆都几清甜，糯米饭仲有啲微温同软糯🤤
Ps 男店员都几细心，见朋友要食药会主动拎多杯水黎
张贴
