影片
更多
2019-06-20
5195 浏览
友人一向喜欢捐窿捐罅揾食，对饮食特别消息灵通，近日睇见佢一篇食评，介绍呢一家「自转」烧烤吧「自家烧吧」，既喺懒人包嘅福音，唔使郁手郁脚就食到烧烤嘢，又可以就算大热天时都可以嚟过吓串烧瘾，最正喺以放题形式嘛，一个价钱定晒预算，唔使就住就住食，食得畅快嘛。晌门口位，摆咗价钱牌，晚市由$188-$238，视乎入座日子及时间，任烧任食两小时，个人嚟讲，觉得好较。再者，话就话限时两小时，但若非客多，都好似无硬性执行。餐厅位处工厦，亦近观塘站，非常方便。睇门面唔大，屈个弯，其实里面地方颇大，主要都喺4人卡位，装修简单平实，但墙上钉上好多美式车牌、巨型啤酒盖……等等装饰，可见店主都花咗啲心思晌度。先讲讲枱面，自转烤炉已装嵌晌枱上，喺利用两侧嘅发热管将食物烤熟，店员话校到80°已经好劲。此外，餐具、纸巾、骨桶（亦放埋串烧针）亦早已准备好。而且，更准备好3款烧烤时用嘅酱：蜜糖烧汁，泰式甜酸酱，洋葱蕃茄；此外，用作蘸点食物用嘅亦有3款孜然粉：原味、辣味及花生味。饮品讲到放题，就一定有个大雪柜摆上多款纸包、罐装饮品，唔多讲，款式都喺大家见惯见熟嘅本地品牌。唔好理，坐落就边饮边等，尤其烧烤，真喺要预先补足水份
晌门口位，摆咗价钱牌，晚市由$188-$238，视乎入座日子及时间，任烧任食两小时，个人嚟讲，觉得好较。再者，话就话限时两小时，但若非客多，都好似无硬性执行。
餐厅位处工厦，亦近观塘站，非常方便。睇门面唔大，屈个弯，其实里面地方颇大，主要都喺4人卡位，装修简单平实，但墙上钉上好多美式车牌、巨型啤酒盖……等等装饰，可见店主都花咗啲心思晌度。
先讲讲枱面，自转烤炉已装嵌晌枱上，喺利用两侧嘅发热管将食物烤熟，店员话校到80°已经好劲。此外，餐具、纸巾、骨桶（亦放埋串烧针）亦早已准备好。
而且，更准备好3款烧烤时用嘅酱：蜜糖烧汁，泰式甜酸酱，洋葱蕃茄；此外，用作蘸点食物用嘅亦有3款孜然粉：原味、辣味及花生味。
饮品讲到放题，就一定有个大雪柜摆上多款纸包、罐装饮品，唔多讲，款式都喺大家见惯见熟嘅本地品牌。唔好理，坐落就边饮边等，尤其烧烤，真喺要预先补足水份，哈哈！
前菜、沙律喺时候要介绍吓有咩食物，基本上呢度唔喺得烧烤嘢，好似有啲韩烧放题店，都会有啲预制好嘅食物。晌出面个大冻柜，一面就有啲冻海鲜，如冻虾、青口，及冷盘，如泰式凤爪、八爪鱼、辣味螺肉、沙律杯、中华沙律……等等，仲有少量甜点及生果供应添。
我哋都拎咗啲沙律杯及炸软壳蟹，前者就用嚟开开肠胃，落咗胡麻酱，带和风味，后者就过过口瘾，香脆不腻，两者味道都唔错㖞。
热盘晌另一个角落，就放咗数款热盘食物，例如咖喱鱼蛋、蒜蓉焗蚝、蒜蓉西兰花、烧牛脷、炸鱿鱼圈、炸饺子……等等，等你晌等待烧烤时有啲嘢到吓肚。
同样又喺样样拎少少嚟试试，由于呢类食物感觉唔太多人拎，流量慢，影响咗啲质素，食落觉得有部份嘢摊耐咗，食味普普通通咁啦。
烧烤食物自助区一大柜已经叉好嘅串烧，干净企理，影相可能睇唔清喺啲咩，就一口气介绍有咩串烧，包括羊肉、鱼腐、鸡翼、炸鱼蛋、沙嗲鸡、沙嗲猪、叉烧、猪腩肉、牛肋条、鸭胸、牛柳粒、牛舌粒、烧卖、菠菜丸、午餐肉、多春鱼、台湾肠、红肠、芝士肠、龙虾丸、秋葵、秀珍菇、车厘茄、粟米、冬菇、菠萝、翠玉瓜、棉花糖。
其实，除咗自助区，仲有啲点菜纸，不过，要留意喺有啲喺免费，如一啲主食、炒菜、小食及热饮；另外有啲就需要付费，如个别烧烤及特色饮品。
蝶豆花菠萝梳打 $6、蓝金橘柚子梳打 $7见啲特色梳打都喺6蚊、7蚊咋㖞，抵饮㖞，而且，啲配搭又几特色，额外俾少少试吓都无妨啦。两款梳打嘅色泽都好靓，好梦幻，而小弟就试咗后者，有啲柑味，又有啲柚子味，几清爽，配串烧夹㖞。
第一转串烧第一转，好似平常去烧嘢食嘢咁，烧啲「快熟」产品，好似啲肠呀，丸呀之类。
个自转烤炉最正喺佢会不停将啲串烧打转，令串烧四面都烧得均匀，完全不费力就可以等住食，干手净脚。不过，虽然个炉可以一次过放到14串，实际由于有啲串烧较阔身，会互相撞到，但每每次烧到8、9串已好足够。
啲丸肠类，首推最好食喺啲台湾肠，好有黑椒香，而菠菜丸亦几特别，沾上少少孜然粉提味，效果立竿见影，惹味好多。
第二转串烧第二轮就梗喺烧吓啲肉类啦，皆因有咁多款式，况且，对比啲丸肠类及蔬菜类，叫做回本嘢嘛。
第三转串烧真心觉得啲肉类几好食，当然要再下一城，所以，第3转都都喺肉类，试埋之前一转未试过嘅款式。
由于肉类都喺腌过晒，又入味，所以，烧好之后我就觉得唔需要再沾咩调味料。啲牛柳粒、牛肋条好正，又腍又有肉香，羊肉更喺小弟「飞弗」啦；沙嗲鸡及沙嗲猪亦喺心水，啲沙嗲好香、好惹味；此外，鸡翼、叉烧、猪腩肉都好唔错。
第4转串烧沙律、前菜、热盘，再加3轮串烧，都真喺7、8乘饱，所以，第4转都喺时候揾啲蔬菜类嚟增加啲纤维素。
烧菇菌不妨浸少少水先烧，无咁快干，如果啲粟米有得加啲牛油落去烧就更加正；而烧过嘅菠萝几时都喺咁好食。
甜品除咗大冻柜有数款甜品外，近门口仲有座雪糕柜，虽然只喺牛奶公司，支持吓本土啦，况且，牛奶公司啲嘢都唔差架。
甜点就拣咗啲马卡龙、牛奶布丁、雪糕，再伴少少新鲜生果。啲马卡龙出期地几得㖞，外层脆脆哋，里面烟韧，牛奶布丁亦唔错，带有强劲嘅牛乳味；雪糕，当然拣最特别嘅红豆味，同心水嘅芒果味啦，做完晒啲甜品，真心饱晒。
枱角贴上咪做大嘥鬼，虽然放题喺任食，但都做番个惜食之人。
细细个，一到入秋、放假，就同朋友去郊外烧嘢食，𠮶时搞烧嘢食都几烦架，要自己腌肉。大个啲，就有专卖烧烤包嘅铺头出现，一条龙服务方便好多。再后期啲，就进化到烧烤场，乜都唔使预备，俾钱就烧得，而家下，直头烧烤都由个炉转转吓搞掂，仲可以「四季」烧烤添。
张贴
