兄弟工房 (已結業)

同老婆去咗表妹屋企拜年，晚饭时间去咗京瑞广场，呢度嘢食嘅选择非常之多仲要大部份都唔系连锁店，可以食啲有特色啲嘅嘢食。老婆喺门口见到兄弟工房嘅二人套餐非常抵食。二人套餐包餐汤沙律，再加两个主食同埋两杯茶。餐汤系南瓜汤，口感一流又唔会太咸。其中一份主菜就拣咗烧鱿鱼圈配墨汁意粉。鱿鱼圈非常爽口再加上墨鱼汁意粉配搭一流。第二个主菜我哋就拣咗烧春鸡，鸡肉烧得唔错外皮香脆，鸡嘅质感又唔会太干。最后我哋加咗$38再加左一个法式焦糖炖蛋。